多謝晒你哋嘅留言同PM～～～個個都好乖，有心啦～三唔識七，好滾動啊😭😭😭！！
Post下診所同事畫嘅心意卡先～～我估嗰幾粒係日本桃唔係車厘子🤔🤔～～ Fang Q大家！🙏🏻🙇🏼♀️
-------
醫生轉病人- 入廠記2
6. 我等做OT等到悶，由好驚全身喺度震，等到自暴自棄：橫掂都係要做冇得揀，唔做就死，快啲做，好眼訓呀！但係身體最誠實，每次個病房響起電話嘅時候，心跳即刻加速，以為終於死期到。當然響左十幾廿次先至真係到我落去手術室。真係來回地獄又折返人間。
最尾4AM先到我做。我一開始已經俾咗個電話我媽咪攞走。我諗住冇人幫我看管財物呀嘛。所以我完全唔知幾多點。我以為計住血壓機Q15Min幫我量幾多次，我就大概會知係幾多點。點知係完全Fail，我覺得係凌晨兩點Only。⏰
7. 終於推我去OT，原來姑娘問我駛唔駛幫我睇住個電話？乜原來有咁嘅服務咩？仲以為會麻煩到佢哋！通常應該唔係話自己財物自己保管咩？又好窩心呀（我知我低能）！早知我就玩多陣電話先啦！
其實手術室只係隔離房，但係等人黎推OT床等左30分鐘。連病房姑娘都話等呢張龍床等咁耐，自己行去已經手術都做得囉！臨入前呀病房姑娘好溫柔咁同我講，話咁快就出嚟㗎啦！雖然係一句冇乜嘢嘅句子，但係我聽落就覺得好安心。起碼你覺得我會出返哈哈！
8.一路訓係張床推去手術室嘅短路程，一路望住一盞一盞天花嘅燈，真係好似TBB劇拍個D情境咁。想同隔離個阿姐講我呢個諗法，但佢應該會反我白眼。🙄
9. 入到去手術室，幫我開刀嘅On Call衰豬靚女👩🏻⚕️過來，第一句同我講咗話佢好眼瞓。大佬，好鬼驚呀你咁講。我冇出到聲，但係如果有揸🔪嘅醫生朋友睇緊呢篇，呢句你都係自己good一聲吞咗好過。再唔係就麻煩大家share俾佢地睇。
10. 好，終於訓左入手術室張床，（肥）肉隨砧板上。好多人chit chert 咁轉，幫你量血壓，量血含氧程度，麻醉師打量實習醫生打嗰個豆靚唔靚仔等等。突然覺得自己好似架F1賽車，入去個Pit換呔，有一隊人電光火石之間幫你做晒啲嘢。🏎
跟住就叫我吸住個O2 Mask大啖呼抖氣。喂，咁鬼難抖嘅？冇幾耐啊麻師就已經打麻醉藥。10下冇叫數我就已經Pass Out左。
之前諗過，我會唔會係萬中無一嗰啲，打完麻醉藥，但係身體仲有知覺知道痛，但係又郁唔到出唔到聲，喺咁俾人生劏嗰啲慘慘豬--好彩唔係。
下篇寫Post-op。
Search